【留學生生活日常大比拼 - 大學午餐篇】
午餐是在一天中間（通常在 12:30 到 2:00 之間）吃的一餐，經過半日課堂的洗禮，落堂後，同同學一齊食個happy lunch，交流一吓，認識吓大家等等，都可以喺lunch依段時間發生。午餐同早餐並唔一樣，同學大多數都已經回到大學校園上課，並唔似早餐一般可以自己在家準備，所以要搵倒自己適合的午餐都相當重要。
今次我哋就帶大家去睇吓唔同熱門留學國家 （英國，澳洲，加拿大，台灣）午餐會食d咩，喺大學校園入面選擇多唔多，搵唔搵倒自己想食嘅野。
英國
英國人通常午餐都比較簡單，可能只係食一個三文治就當午餐，有d人會叫三文治做butty同sarine。香港嘅午餐通常會比較豐富，打算去當地留學嘅你，可能會擔心”無啖好食”。
其實唔需要擔心，除咗自己準備午餐帶回校，通常大學校園附近都會形成咗一個生活圈，英國大學招生對象通常不止本地學生，學生大多黎自五湖四海，不同國家，所以唔少中式餐館都會喺大學校園附近開店，就算同學不習慣英國本地食物，要尋得適合自己的午餐亦不是難事，以下係英國留學生同小編分享喺香港茶餐廳常見的炒面，跟香港的比起來毫不遜色。
頭先提及英國大學吸引唔少來自世界各地學生，唔同餐館應運而生，同學除了中式餐館，仲有機會同喺大學校園認識的同學一起去品嘗世界各地美食，就算不及當地好吃，也是一種新嘗試。你要擔心的反而是不要吃到過胖！
澳洲
早前的文章提及到澳洲四面環海，所以要搵倒新鮮的海鮮食材並不困難。加上本土農業發達，造就澳洲食品的多樣化。
澳洲大學生的午餐都非常豐盛，除咗海鮮大餐，在大學校園內都能夠搵倒各國美食，種類繁多，包括日本拉麵、日本壽司、德國豬手、中式白粥、台式珍珠奶茶等等，甚致會找到港式凍檸茶的蹤影。如果你係素食嘅朋友，或者偶爾想吃得健康一點，部份大學校園都會提供素食給同學選擇。
大學的飯堂有如香港常見的food court，就算同同學一齊共進午餐，都可以各自選擇自己的心頭好。與其擔心找不到心水午餐，倒不如擔心自己有選擇困難症~
加拿大
根據加拿大留學生同小編的分享，加拿大的午餐選擇比澳洲少。主要都係薄餅Pizza，麵包類為主，或者是一些焗長通粉Pasta等，用醬料為食物調味，缺乏新鮮食材的點綴，以飽肚，平實為主。但同學都有同小編分享曾經有吃過，連香港都不太常見，類似銀針粉的中式午餐。依個可能都同大量華人移民或移居當地有關，一些失傳、沒落或幾近失傳的烹調食物方法，都有機會在加拿大找得到。
台灣
台灣的午餐同英國以輕食、冷盤為主的文化大相徑庭。台灣的午餐以熱食為主，也偏向油膩，但同時也貼近香港人日常的飲食文化。台灣人其中一樣隨處可見的餐點就是魯肉飯，就是用肥肉烹煮而成，雖然好吃，但熱量爆燈，同學要小心注意不要吃過多。台灣也有類似日本的便當文化，可以自選份量及配料，亦非常近似香港近排大熱的兩餸飯文化。
台灣大學的週邊通常會形成一個商業圈，甚致夜市。比較著名大學週邊的夜市商圈，例如香港人去台灣旅行都會去行嘅師大夜市及逢甲夜市，就是圍繞住台灣師範大學及逢甲大學而成的。夜市基本上集合當地美食，種類及創意之多，有如天上繁星，所以打算去台灣留學的你，根本不用擔心找不到適合自己的午餐。
